Divisjon for matproduksjon og samfunn
Tidleg gjødsling og hausting for meir og betre grovfôr
Slutt: feb 2025
Start: feb 2022
Hovudmål er å evaluere effekten av tidlegare vårgjødsling og hausting av enga på gjødselutnytting, årsavling, fôrkvalitet og fôrkostnader i mjølkeproduksjon på storfe.
| Status | Avsluttet |
| Start- og sluttdato | 15.02.2022 - 14.02.2025 |
| Prosjektleder | Håvard Steinshamn |
| Divisjon | Divisjon for matproduksjon og samfunn |
| Avdeling | Fôr og husdyr |
| Samarbeidspartnere | Tine SA og Felleskjøpet Agri |
| Totalt budsjett | 3045000 |
| Finansieringskilde | Regionalt Forskingsfond Vestland og Landbruksråd Vestland |
Grovfôrproduksjonen i Vestland må tilpassast ein lengre vekstsesong og optimalisere bruken avhusdyr- og mineralgjødsel. Størst potensiale for å dra nytte av klimaendringane er tidleg ivekstsesongen.
GrovfôrVekst er eit treårig forskingsprosjekt med hovudfaktorane vårgjødsling('tidleg' ved vekststart, og 'normal' om lag fire veker seinare) og førsteslått ('tidleg' og 'normal', medom lag ei veke forskjell ). 'Tidleg' og 'normal' andreslått vil bli hausta etter like mange døgngraderetter førsteslått, medan tredjeslåtten vil bli teke på same dato for dei to haustesystema. Vi vil testeeffekten av tildelingstidspunkt av husdyr- og mineralgjødsel og slåttetidspunkt på tørrstoffavling,utnytting av næringsstoff, fôrkvalitet og lønnsemd.
Tidlegare gjødsling er venta å gi like stor 1. slåttved tidlegare utviklingssteg enn gjødsling og hausting på tradisjonelt tidspunkt. Tidlegare 1. slått kanauke fôrkvaliteten i både 1. slåtts- og årsavling i høve til normal 1. slått. Tredjeslåtten vert større vedtidlegare 1. slått, og ein ventar ei større årsavling med jamn kvalitet.
Nitrogen (N) i husdyrgjødsla er ihovudsak organisk bunde, og lenger tid frå første gjødsling til 3. slått kan gje betre N-utnytting. Tidlegvårgjødsling med fosfor (P) vil kunne auke opptaket av P i avlinga. Gjennom fôroptimering skal viteste korleis ulike fôrkvalitetar påverkar grovfôropptak, kraftfôrbehov og fôrkostnader imjølkeproduksjon på storfe.
Feltforsøket blir etablert ved NIBIO Fureneset. Resultata skal formidlasttil landbruksnæringa på markdagar, som videosnuttar, podkastar og på webinar. Det er planlagtartiklar i fagtidsskrift og ein vitskapleg artikkel. Prosjektet skal leiast frå NIBIO og er eit samarbeidmed Tine SA og Felleskjøpet AgriProsjektet har elles medfinansiering frå Landbruksråd Vestland.
Delmål
1. Talfeste effekten av tidleg vårgjødsling og førsteslått på næringsstoffutnytting av gjødsla
2. Talfeste effekten av tidleg vårgjødsling og førsteslått på avling og fôrkvalitet i kvar slått og i samla årsavling
3. Talfeste effekten av tidleg vårgjødsling og førsteslått på totale fôrkostnader i mjølkeproduksjon på storfé
4. Kalibrere TINE sitt NIRS-instrument for ferske grasprøver
5. Formidle resultat frå prosjektet til næring, rådgjevingsteneste og forvalting
Hypotesar
1. Ved å gjødsle tidlegare vil vi få ein like stor fyrsteslått ved eit tidlegare vekststadium enn gjødsling og hausting til tradisjonell tid
2. Når fyrsteslåtten vert teken tidlegare blir fôrkvaliteten av både førsteslåttsavling og årsavlinga høgare enn ved normal førsteslått
3. Tredjeslåtten vert større når førsteslåtten er tidlegare. I sum over alle tre slåttar gjev dette ei større årsavling ved tidlegare gjødsling og slått
4. Sidan mykje av nitrogenet i husdyrgjødsla er organisk bunde og vert plantetilgjengeleg over tid, vil lenger tid frå fyrste husdyrgjødsling til siste slått føra til ei betre utnytting av nitrogenet
5. Tidleg vårgjødsling med fosfor vil kunne auke opptaket av fosfor i avlinga
6. Tidleg vårgjødsling og førsteslått gir større avling og betre avlingskvalitet og såleis høgare grovfôropptak, lågare kraftfôrbehov og lågare totale fôrkostnader i mjølkeproduksjon på storfe
Publikasjoner i prosjektet
Forfattere
Håvard SteinshamnSammendrag
Tidleg’ vårgjødsling gav størst avling og minst grovfôrkostand. ‘Normal’ tidspunkt for vårgjødsling og ‘Tidleg’ førsteslått gav minst avling og størst grovfôrkostand, men best grovfôrkvalitet. ‘Normal’ tidspunkt vårgjødsling og ‘Tidleg’ førsteslått gav minst kraftfôrbehov og minst totale fôrkostnader, men forskjellen til dei andre kombinasjonane var marginal
Sammendrag
Det er ikke registrert sammendrag
Sammendrag
Formålet med arbeidet var å teste effekten av tidspunkt for vårgjødsling og for førsteslått på avling, fôrkvalitet og dyrkingskostnader for eng i Vestland fylke. Eit treårig feltforsøk (2022–2024) vart gjennomført ved NIBIO sin forskingsstasjon på Fureneset, der Tidleg og Standard tid for både vårgjødsling og førsteslått blei samanlikna. Tidspunkt for Tidleg vårgjødsling var gjort ved estimert vekststart om våren medan Normal tid for vårgjødsling var 3-4 veker seinare. Tidleg førsteslått var definert som hausting ved 475 døgngrader etter vekststart og Standard til for førsteslått skulle takast 50 døgngrader etter det. Andreslåtten var planlagt 500 døgngrader etter både Tidleg og Standard tid for førsteslått, medan tredjeslått skulle vere i månadsskiftet august-september for alle forsøksfaktorane. Resultat viste at Tidleg vårgjødsling gav i gjennomsnitt 39 % høgare avling i førsteslåtten og 15 % høgare årsavling samanlikna med normal vårgjødslingstid. Tidleg førsteslått gav noko lågare årsavling, men høgare fôrkvalitet, spesielt med tanke på proteininnhald og fordøyelegheit. Tidleg vårgjødsling gav betre nitrogenutnytting, uttrykt som tørrstoffavling per kg nitrogen tilført, men effekten av både tidspunkt for vårgjødsling og førsteslått på nitrogen- og fosforbalansen varierte med engår. Tidleg vårgjødsling reduserte grovfôrkostnadene, men auka behovet for kraftfôr i rasjonen til mjølkeku. Det gjorde at dei totale fôrkostnadane var omtrent like for begge strategiar. Ved avgrensa areal per kvoteliter er tidleg gjødsling og standard slåttetid mest lønnsamt, men ved godt arealgrunnlag kan dyrkingsstrategi med normal tid for vårgjødsling og tidleg førstlått gje betre fôrkvalitet, lågare kraftfôr- og totale fôrkostnader. Konklusjonen er at tidleg vårgjødsling kan gje større avling og betre utnytting av vekstsesongen, men at økonomisk gevinst avheng av mjølkegarden sitt arealgrunnlag og produksjonsmål.
Forfattere
Synnøve RivedalSammendrag
Det er ikke registrert sammendrag
Sammendrag
Nok grovfôr av rett kvalitet er avgjerande for å lukkast i mjølkeproduksjon. På Fureneset testar dei no ut om tidlegare gjødsling og tidlegare slått kan vera med å bidra til meir grovfôr med høg fôrkvalitet. I denne episoda snakkar vi med Håvard Steinshavn og Åsmund Mikalsen Kvifte, som begge er forskarar i Nibio
Forfattere
Håvard SteinshamnSammendrag
Våren er godt i gang, og før me veit ordet av det, så er det plutselig slått att! Det har dei siste åra vore auka fokus på fôrkvalitet, og skilnad på god og dårleg fôrkvalitet. Kva er det som påverkar korleis kvaliteten av grovfôret vert , og kva verktøy har bonden for å ta dei rette avgjerdslene for å få den kvaliteten han eller ho treng til akkurat si gardsdrift? I denne podkasten snakkar me med Petter Klette som er rådgivar i Tine, og Håvard Steinshamn som er forskar i Nibio.
Sammendrag
Mange bønder har byrja å bestemme slåttetidspunktet ved aktiv bruk av varmesum. Det sikraste er nok likevel å observere utviklingstrinnet på deu artane du har i enga.
Sammendrag
Kan tidleg gjødsling og hausting gi meir og betre grovfôr, betre bondeøkonomi og reduserte metanutslepp? På Fureneset forsøker me å finna svara!